وهو الحبيب الذي تعرف على حبيبته من مشيتها في مكان عام ومع ذلك لم تعرفه ..!!
وحسب ما سمعت انها لشاعر .. رجا المطيري والله اعلم ..
ويقول فيها :
شفتها يا سعود صدفه بعد ما غابـت سنيـن
عند قسم المختبـر وسـط مشفـى الجامعـه
جيتها ثم قلت ممكن فـي سؤالـي تسمحيـن
ناظرت فينـي بدهشـه نظـره متواضعـه
قالت انتـه تحسبنـي مـن بنـات صايعيـن
تحسبني في زماني عـن طريقـي ضايعـه
قلت انـا مـاراح اطـول ***وهـا كلمتيـن
وابعدت عنـي شويـه ثـم جتنـي راجعـه
قالت اسال واضح انك مـن رجـال طيبيـن
بس هرجك يالسنافـي كـان وشهـو دافعـه
قلت انا حبيت وحـده يـوم كنـا صغيريـن
ومن ثمان سنين راحـت للمواصـل قاطعـه
عقبهـا ماذقـت نـوم يهتنـيـه النايمـيـن
ساهر في طول ليلـي ليـن شمسـي طالعـه
اذكر انه فيه حبه فـوق ثغـره مـن يميـن
واذكر انـه لاجرينـا كـن شعـره تابعـه
واذكـر انـه عاشـق الـورد والياسمـيـن
وصار قلبي بالورود اللـي عشقهـا زارعـه
طابعا اسمه بقلبي فيه (سين) وفيـه (عيـن)
وفيه (الف) وفيه (دال) وسط قلبـي طابعـه
قاطعتنـي بقولهـا سبحـان رب العالمـيـن
كررتهـا مـره .. ومرتيـن .. ورابـعـه
قلـت وشفيـك وشبـلاك يابنيـه ترجفيـن
ليـش عينـك يابنيـه مـن كلامـي دامعـه
قالت الموقـف وقلبـي والمحبـه والحنيـن
كيف اشوفـك بعـد ماكنـت عنـك قانعـه
قلت انـا بسألـك ان كانـك انتـي تذكريـن
عـن مواثيـق ثمنهـا مـن حياتـي دافعـه
قالت ظـروف الزمـان ماتطيـع العاشقيـن
بيعوني غصب حبك لو هـو مانـي بايعـه
انا في دنياي حالـي كنهـا حـال السجيـن
حتى لو فكـوا سراحـه فيـه شـي ٍ مانعـه
زوجوني غصب واحد وحرمونـي حاجتيـن
السعـاده فـي زمانـي والحيـاه الرائـعـه
والحيـن انـا ام لثلاثـه ريـم وياسمـيـن
والولد اسمه على اسمك والمشاعر جايعه ...!!
الإثنين يوليو 11, 2011 4:44 pm من طرف زائر
